تبلیغات
محمد حسین بهجت تبریزی (شهریار) - تورکون دیلی
چهارشنبه 11 آذر 1388

تورکون دیلی

   نوشته شده توسط: rogayeh_akram asghary_zendehdel    

تورکون دیلی تک سوگلی,استکلی دیل اولماز

                                                ئوزگه دیله قاتسان, بو اصیل دیل, اصیل اولماز

ئوز شعرینی فارسا - عربه قاتماسا شاعر 

                                                  شعری اوخویانلار, ائشیدنلر کسیل اولماز

فارس شاعری چوخ سوزلرینی بیزدن آپارمیش

                                                 (صابر) کیمی بیر سفرلی شاعر , پخیل اولماز

آذر قوشونی, قیصر رومی اسیر ائتمیش

                                                  کسری سوزیدیر بیر بئله تاریخ ناغیل اولماز

پیشمیش کیمی, شعرین ده گرک داد-دوزی اولسون

                                                  کند اهلی بیلر لر کی دوشابسیز خشیل اولماز

سوزلرده جواهر کیمی دیر, اصلی بدلدن

                                                 تشخیص ورن اولسا بو قدر زیر زیبیل اولماز

شاعر اولا بیلمزسن, آنان دوغماسا شاعر

                                               مس سن, آبالام, هر ساری کوینک قیزیل اولماز